ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ
ບໍລິສັດ ຫຼັກໄຊ ພັດທະນາຊັບສິນ ຈໍາກັດ ເລກທີ 011/ຫຼຊພສ
ນະຄອນຫຼວງວຽງຈັນ, ລົງວັນທີ 5 ທັນວາ 2020
ໜັງສືແຈ້ງເຊີນປະມູນ
ເຖິງ: ບຸກຄົນ, ນິຕິບຸກຄົນ ແລະ ອົງການຈັດຕັ້ງຕ່າງໆ.
ເລື່ອງ: ສືບຕໍ່ ການປະມູນຂາຍຊັບສິນທີ່ດິນ ຂອງບໍລິສັດ ເປໂຕຣ ຫວຽດນາມ ອອຍ ລາວ ຈໍາກັດ (ຄັ້ງທີສາມ).
- ອີງຕາມ ໜັງສືແຈ້ງຕອບຮັບຂອງບໍລິສັດ ເປໂຕຣ ຫວຽດນາມ ອອຍ ລາວ ຈໍາກັດ ທີ່ໄດ້ເລືອກເອົາບໍລິສັດ ຫຼັກໄຊ ພັດທະນາຊັບສິນເປັນຜູ້ດໍາເນີນການປະມູນ ການໂອນກໍາມະສິດນໍາໃຊ້ທີ່ດິນຂອງບໍລິສັດ ເປໂຕຣ ຫວຽດນາມ ອອຍ ລາວ ຈໍາກັດ ສະບັບເລກທີ 1216/2019, ລົງວັນທີ 26 ຕຸລາ 2020;
- ອີງຕາມ: ແຈ້ງການສືບຕໍ່ ການປະມູນຊັບສິນທີ່ດິນ (ຄັ້ງທີສາມ) ຂອງ ບໍລິສັດ ເປໂຕຣຫວຽດນາມ ອອຍ ລາວ ຈໍາກັດ ລົງວັນທີ 4/12/2020.
ບໍລິສັດ ຫຼັກໄຊ ພັດທະນາຊັບສິນ ຂໍຖືເປັນກຽດແຈ້ງມາຍັງບັນດາທ່ານທີ່ມີຄວາມສົນໃຈເຂົ້າຮ່ວມການປະມູນທີ່ດິນ ຂອງບໍລິສັດ ເປໂຕຣ ຫວຽດນາມ ອອຍ ລາວ, ເຊິ່ງເປັນການປະມູນແບບເປີດກວ້າງພາຍໃນ ເນື້ອໃນລາຍລະອຽດຂອງຊັບສິນມີດັ່ງນີ້: ຊັບສິນຕັ້ງຢູ່ ບ້ານ ທ່າພະລານໄຊ ເມືອງ ສີສັດຕະນາກ ນະຄອນຫຼວງວຽງຈັນ, ເນື້ອທີ່ດິນທັງໝົດ: 3,363 ຕາແມັດ, ໃບອະນຸຍາດນໍາໃຊ້ດິນເລກທີ 173, ເປັນດິນຫວ່າງເປົ່າ. ລາຄາຂອງການປະມູນເລີ່ມຕົ້ນທີ່ 13,815,000,000 ກີບ(ສິບສາມຕື້ແປດຮ້ອຍສິບຫ້າລ້ານກີບ).
ການສືບຕໍ່ຂາຍຊອງປະມູນ (ຄັ້ງທີສາມ) ແມ່ນເລີ່ມແຕ່ວັນທີ 07 ທັນວາ 2020 ຈົນຮອດວັນທີ 24 ທັນວາ 2020 (ວັນ ແລະ ເວລາລັດຖະການ 08:00-16:00 ໂມງແລງ), ລາຄາຊອງປະມູນ 1,000,000 ກີບ/ຊອງ, ເງິນມັດຈໍາສໍາລັບຜູ້ເຂົ້າຮ່ວມແມ່ນ 15% ຂອງລາຄາເລີ່ມຕົ້ນ, ເຊິ່ງເງິນມັດຈໍາແມ່ນໃຫ້ສົ່ງໃນມືສົ່ງຊອງປະມູນ. ທາງບໍລິສັດ ຫຼັກໄຊ ພັດທະນາຊັບສິນຈະໄດ້ຈັດການເປີດຊອງປະມູນ ໃນວັນທີ 25 ທັນວາ 2020 ຢູ່ທີ່ຫ້ອງການບໍລິສັດ ຫຼັກໄຊ, ຫາກທ່ານໃດມີຄວາມສົນໃຈຢາກເຂົ້າຮ່ວມປະມູນແຂ່ງຂັນລາຄາ ລາຍລະອຽດແມ່ນໃຫ້ຕິດຕໍ່ ແລະ ຊື້ຊອງປະມູນໄດ້ ທີ່ຫ້ອງການ ຂອງບໍລິສັດຫຼັກໄຊ.
ດັ່ງນັ້ນ, ຈຶ່ງແຈ້ງມາຍັງບັນດາທ່ານຜູ້ທີ່ມີຄວາມສົນໃຈຢາກເຂົ້າຮ່ວມປະມູນຮັບຊາບ.
ອໍານວຍການ ບໍລິສັດ ຫຼັກໄຊ ພັດທະນາຊັບສິນ ຈໍາກັດຜູ້ດຽວ
- ເບີໂທຕິດຕໍ່ພົວພັນ
ຫ້ອງການບໍລິສັດ ຫຼັກໄຊ ພັດທະນາຊັບສິນ ທ່ານ ຄໍາໄຊ ບຸນມີ ສີດາວົງ
ທ່ານ ນາງ ນິລະດາ ແພງເມືອງ 020 7893 5165
ທ່ານ ນາງ ສິມມະລີ ສີຫາໂຄດ 020 9857 7322